Youtuber Б.Түшиг Монголын хамгийн богино хугацаанд 100 мянган дагагчтай болж “Silver play button” авсан youtuber болж байсан билээ. Тэгвэл тэрбээр өнгөрсөн аравдугаар сард youtube платформд нэг сая дагагчтай болсон бөгөөд “Golden play button”-оо хүлээн авчээ.
Энэ талаараа тэрбээр “За Монголынхоо “Golden Play Button”-ы тоог нэгээр нэмлээ. Баяраа үзэгчидтэйгээ тэмдэглэж, газарзүйн мэдлэгээрээ уралдаж, багахан мөнгөөр шагнаж урамшууллаа. Мөн эх орондоо зүрхний асуудалтай хүүхдүүдэд хагалгаа хийх боломжийг бий болгож, олон хүүхдийн амь нас эрүүл мэндийг аварч буй “Зүрх тартахгүй” төсөлд нэг сая төгрөгийг үзэгчдийнхээ өмнөөс хандивлалаа. Эерэг зорилготой, түүндээ тууштай, өөрийгөө хөгжүүлэхийг эрмэлздэг хүн хаанаас ч эхэлсэн энэ дэлхий дээр алзахгүй ээ. Дэмжиж үздэг, дэмжихгүй зүгээр үздэг, үздэггүй мөртлөө дэмждэг бүх хүмүүстээ баярлалаа. Хамтдаа хөгжицгөөе” гэжээ.
