Улсын драмны эрдмйин театр өөрийнхөө дэргэд 2004 онд Студи ангийг байгуулан түүгээрээ дамжуулан театрын залуу боловсон хүчнээ бэлтгэн авсаар ирсэн билээ. Тэгвэл тус Студи театрын шинэ оны анхны элсэлтийн бүртгэл эхэллээ.
Уг студи ангиас “Мөрөөдлийн театр”-ын жүжигчин Г.Алтаншагай, жүжигчин Ц.Цэрэнболд, Т.Хулан, Г.Отгонцэцэг гээд өнөөдөр театрын үндсэн жүжигчнээр уран бүтээлээ туурвиж яваа олон залуу уран бүтээлчид төрж гарсан түүхтэй. Уг бүртгэлд жүжигчний ангийг төгссөн, цаашид жүжигчин болох хүсэл, эрмэзэлтэй залуус, студи, анги хамт олон оролцох боломжтой. Бүртгэлд оролцох хүсэлтэй залуус мэргэжлийн дипломны хуулбар, ажилд орохыг хүссэн өргөдөл, иргэний үнэмлэхний хуулбар болон төрийн албан хаагчийн анкетийг бөглөсөн байх шаардлагатай аж. Харин шалгаруулалт дөрвөн хэсэгтэй аж. Үүнд, жүжгийн хэсгээс тоглож үзүүлэх, монолог унших, дуулах чадвар, бүжиг бүжиглэх гэсэн шалгаруулалтаар шалгах нь ээ. Бүртгэлийг УДЭТ-т энэ сарын нэгнээс авч эхэлжээ.
