Монголын уран сайхны “Баавгай болохсон” кино олон улсын агаарын тээврийн компаниудын нислэгээр гарч эхэллээ. Тодруулбал, найруулагч Б.Золжаргалын уг кино олон улсын нислэгийн санд байршин, “Катар эйрвэйз”, “Люфтханса”, “Юнитед эйрлайнс”, “Бритиш Эйрвэйз” зэрэг дэлхийн агаарын тээврийн томоохон компаниудын нислэгийн сангаар гадаадын зорчигч нарт үзүүлж байна. Дээрх авиа компаниудын зорчигч нар нислэгийн үеэрээ Ази тивийн бүтээлүүд дундаас Монголын “Баавгай болохсон” киног сонгон үзэх боломжтой болжээ.
Энэ оны дөрөвдүгээр сард эх орондоо нээлтээ хийсэн “Баавгай болохсон” кино Франц, АНУ, Швейцар, Ирланд, Их Британи, Испанийн кино театруудаар гарч эхэлсэн юм. Ирэх онд Монголын IPTV-ийн кино санд нэмэгдэж орох аж.
