Олон улсын морин хуурчдын наадам болно

  Дэлхийн морин хуурчдын холбооноос зохион байгуулдаг Олон улсын морин хуурчдын наадмын тов гарсан байна. Дөрөв дэх удаагаа болох гэж буй энэхүү наадам ирэх дөрөвдүгээр сарын 27-05 дугаар сарын 02-ны өдрүүдэд Улаанбаатар хотноо болохоор болжээ. Дэлхийн өв соёлын сан болох ЮНЕСКО-д биет бус хөгжмийн зэмсгээр морин хуурыг 2002 онд Монгол Улсын нэр дээр бүртгэсэн байдаг аж. 

Энэхүү наадам нь мэргэжлийн морин хуурчдын, сонирхогчдын уралдаан гэсэн хоёр төрлөөр болох юм. Энэ жилийн наадамд БНХАУ, ОХУ, АНУ, Герман, Япон зэрэг улсын мэргэжлийн болон сонирхогч морин хуурчид оролцох хүсэлт ирүүлсэн байна. Харин Монгол Улсаа төлөөлөн 200 гаруй морин хуурч оролцох аж. Наадамд оролцож буй мэргэжлийн морин хуурчид нээлтийн тоглолтод оролцож,  хамтран тоглох бол тавдугаар сарын 2-нд шилдгээр шалгарсан уран бүтээлчдийн хамтарсан тоглолт хийхээр төлөвлөсөн байна.

www.URLAG.mn