Америкийн телевиз болон киноны шилдгүүдийг шалгаруулах 71 дэх удаагийн “Алтан бөмбөрцөг” наадам энэ сарын 12-нд болно. Наадамд өрсөлдөж байгаа бүтээлүүдийн нэрс тодорсон бөгөөд мөн тус наадмийн хөтлөх жүжигчдийн нэрс өнгөрсөн оны сүүлээр тодорхой болсон юм.
Холливуудын Гадаадын хэвлэлүүдийн холбооноос зохион байгуулдаг тус наадамыг жүжигчин Тина Фей болон Эми Полер нар хөтлөн явуулна. Мөн тус наадмийн шагналыг тайзан дээр гардуулан өгөх зарим жүжигчдийн нэрс тодорсон байна.
Үүнд, анх телевизийн цуврал бүтээлүүд тоглож кино урлагт хүч түрэн гарч ирсэн залуу жүжигчин Мила Кунис, Оскарын шагналт жүжигчин Reese Witherspoon, Инээдмийн жүжигчин Jimmy Fallon нар ням гаригт болох “Алтан бөмбөрцөг” наадмийн шагналыг гардуулан өгөх нь ээ. Мөн дараагийн хэсэгт нь “Өлсгөлөн тоглоом” киноны гол дүрийн жүжигчин Оскарын шагналт Женнифер Лоренс, Бага Роберт Дауни, Кевин Bacon, болон Лаура Dern нар тайзан дээр гарч ирэх төлөвлөгөөтэй байгаа аж. Түүнчлэн Julie Bowen, Colin Farrell, болон Uma Thurman нар гарч ирэх бөгөөд үлдсэн уран бүтээлчдийг албан ёсоор ирэх өдрүүдэд зарлах юм байна.
Энэ жилийн “Алтан бөмбөрцөг” наадамд боолчлолын тухай өгүүлдэг "12 Years a Slave" болон "American Hustle" кино бүтээлүүд тус бүр долоон номинацид нэр дэвшээд байгаа юм.
