“Чингис хаан” одонт Морин хуурын чуулгын “Чөлүгэн” дөрвөлийн тоглолт ОХУ-ын Новосибирск хотын филармонийн танхимд 1000 гаруй үзэгчдийн нижигнэсэн алга ташилтан дор амжилттай болж өндөрлөлөө. Тоглолтын эхний хэсэгт Монголын хөгжмийн зохиолчдын морин хуурын дөрвөлд зориулсан том хэлбэрийн бүтээлүүд мөн өрнийн сонгодог бүтээлүүд эгшиглүүлсэн бол хоёрдугаар хэсэгт Новосибирск хотын филармонийн цөөхүүл хөгжимчидтэй хамтран гоцлол бүтээлүүдээс гадна Төрийн шаггалт, хөгжмийн зохиолч Ц.Нацагдоржийн морин хуурын дөрвөл, утсан хөгжмийн дөрвөлд зориулсан “Уран сэтгэмж” бүтээлийг тус оркестртой хамтран эгшиглүүлж тоглолтоо жаргаасан байна.
