“Маппет” хүүхэлдэйн театр, “Улаанбаатар” театрын хамтын бүтээл “Зөрүүд Гринч” зул сарын сахилгагүй драмын жүжгийг арванхоёрдугаар сарын 20, 21, 22, 29-нд “Улаанбаатар” театрын тайзнаа тоглоно.
Доктор Сьюзийн “Гринч-Зул сарыг хулгайлсан нь” зохиолоос эл жүжгийн ерөнхий найруулагчаар М.Лхагва, ерөнхий зураачаар С.Энх-Од, хөгжмийн зохиолчоор Х.Алтангэрэл, бүжиг дэглээчээр Д.Баярт, тайзны зураачаар Л.Баянмөнх нар ажиллажээ. Дүрүүдэд Г.Гандөш, Б.Сарансувд, Д.Бямбатогтох, Н.Даваадорж, Ч.Мэндсайхан, Г.Аззаяа, Р.Ариунболд нарын жүжигчид болон “Улаанбаатар” театрын бүжигчид оролцон тоглох аж.
Хэний ч үл мэдэх нэгэн хотод ямар нэгэн үйл явдал болох гээд л хүмүүс үймрэлдэн сандралдаж байх зуур тээр тэндэх уулын агуйд над шиг биш, чам шиг биш, зөрүүд ноён Гринч, үнэнч туслах Максын хамт өдөр хоногийг өнгөрүүлнэ. Энэ бүх үйл явдал нэг л баяртай холбоотой. Тэр бол хүн бүхний дуртай ч хөгшин Гринчийн л үзэн яддаг Зул сарын баяр. Баярыг тойрсон адал явдал, хөгжилтэй, баяртай, бахархам түүхийг “Зөрүүд Гринч” зул сарын сахилгагүй драмын жүжигт өгүүлнэ.
