Монгол Улсын ерөнxийлөгчийн эрүүл мэнд, нийгмийн бодлогын зөвлөxөөр Б.Бадамцэцэг ажиллаж, “Эрүүл Монгол хүн” үндэсний хөдөлгөөний хэрэгжилтийг хариуцан ажиллахаар болсон аж.
АШУҮИС-ийн Нүүр, ам судлалын ангийг дүүргэж, их эмч мэргэжил эзэмшсэн Б.Бадамцэцэг 2012 онд “Шүд болон амны хөндийн эрүүл мэндийн боловсрол олгох үндэсний сан”-г байгуулж, хөдөө орон нутаг, алслагдсан дүүрэг, сумдын 500 гаруй хүүхдийн шүдийг эмчилжээ. “Ле Бьютик” шүдний эмнэлгийн нүүр, амны их эмчээр ажилладаг тэрбээр жил бүр төрсөн өдрөөрөө хүүхдүүдийн шүдийг үнэ төлбөргүй эмчилж, нийгмийн сайн сайхны төлөө санаачилга гарган ажилладаг нэгэн юм.
16-хан настайдаа “Miss Mongolia” тэмцээний тэргүүн миссийн титмийг хүртэж байсан тэрбээр МҮОНТ-ийн “Хэцүү анги” олон ангит киноны гол дүрд тоглон олны танил болж байв. Түүнчлэн энэ хугацаанд тэрбээр үндсэн ажлынхаа хажуугаар “Соёг”, “Дурсамж төгсгөл үгүй”, “Валентины захидал”, “Анирлагч”, “Last kiss”, “Этгээд”, “Нэг талын тасалбар” зэрэг уран сайхны кинонд дүр бүтээж амжжээ.
