Урлагийн сэтгэл судлал нь урлагийн уран бүтээлийг туурвихад чиглэгдсэн үйл ажиллагааны сэтгэл санааны онцлог, хүмүүсээс урлаг, уран сайхны зохиол бүтээлүүдийг хүлээж авч танин мэдэх, тэдгээрт хандах хандлагын зүй тогтоол, мөн урлаг уран бүтээлийн нөлөөгөөр хүмүүст үүсэж буй болдог сэтгэлийн хөдөлгөөний илэрлүүдийг судална хэмээн тодорхойлсон байдаг. Ингэснээрээ хүмүүсийн гоо сайхны хүмүүжилтэй холбогдсон асуудлыг боловсруулахад тусална. Өөрөөр хэлбэл урлагийн сэтгэл судлал нь 2 хэсгээс бүрдэнэ
Нэгдүгээр хэсэг нь уран бүтээлч бүтээл туурьвахад түүний дотоод мэдрэмж бүтээлд хэрхэн нөлөөлж буйг, хоёрдугаар хэсэг нь урлагийн бүтээлүүд бусад хүмүүст хэрхэн нөлөө үзүүлж буйг судалдаг.
Тиймээс урлагийн сэтгэл судлалын талаар дурьдахын тулд яг тогтсон үзэл хандалгаар хандаж болохгүй. Урлаг бол мэдрэмж. Тиймээс үргэлж шинэлэг, хүн бүрт өөр өөр байрь сууриас хандах хэрэгтэй. Урлаг хүн бүрт өөр өөр мэдрэмж төрүүлдэг. Хэн нэгний мэдэрч буй мэдрэмжийг өөр хэн нэгэн мэдэрч чадахгүй байх нь олон. Тиймээс урлагт ялгарал үүсдэг. Нэг үгээр сайн болон муу бүтээлүүд гарч эхэлдэг. Илүү сайн бүтээлүүдийг ойлгож мэдрэхэд хүнээс илүү их ухамсар, тэр ч бүү хэл мэдлэг, амьдарлын туршлага (хөгшин хүн гэсэн үг огт биш) шаардагддаг. Тийм учраас урлагт тодорхой зааг гаргаж сэтгэх нь утгагүй юм. Дээд зэргийн гэж үнэлэгдсэн бүтээлүүдийн чухам юу нь дээд сайхан бэ гэдэг асуудал үргэлж тулгардаг. Хэрвээ энэ талаар сэтгэнэ гэвэл боломжгүй юм. Чухам ийм л учраас урлагийн сэтгэл судлал нь сэтгэл судлалын бусад салбарууд дотроос хамгийн төвөгтэй нь билээ. Одоо болтол энэ салбарт тодорхой амжилт, ахиц гараагүй байгаа нь үүнээс харагддаг. Хэдий тийм ч энэ тал дээр илүү сайн сэтгэл судлаачид хүчээ нэгтгэвэл илүү их амжилт олж болох юм.
www.URLAG.mn
