Дэлхийн язгуур урлагийн академи, Ардын урлагийн наадмуудын дэлхийн ассоциациас ЮНЕСКО-гийн дэмжлэг дор зохион байгуулдаг Ардын урлагийн дэлхийн аварга шалгаруулах өнөө жилийн тэмцээний албан ёсны сурталчилгааны зурагт хуудасны загвар гарчээ.
Жил жилийн зурагт хуудсыг өмнөх жилийн Гран при шагнал хүртсэн улсын уран бүтээлчдийн зургаар чимдэг уламжлалтай аж. 2013 оны наадмын зурагт хуудсанд өмнөх жилийнх нь аварга Малайзийн чуулгын бүжигчин бүсгүйн зураг гарсан билээ. Харин энэ жилийн зурагт хуудсыг манай уртын дуучин Э.Болормаагийн зураг чимсэн байна.
Эх сурвалж www.wikimon.mn
