Уншигч та бүхэндээ “Adult Baby Syndrome” буюу насанд хүрсэн атлаа нярай хүүхэд шиг дүр исгэх “хачирхалтай” амьдралын тухай сонирхуулж байна.
Өнөөг хүртэл нийгэмд “хаалттай” сэдэв байсан эл үйлдэл нийтэд ил тод болж одоогийн байдлаар АНУ ба Нэгдсэн Вант Улсад л гэхэд энэ төрлийн 200.000 – 500.000 хүн байдаг гэнэ.Нярай хүүхдийн дүрд орж өлгийдүүлэхээс эхлээд памперс өмсөх, соска хөхөх, шажигнуур тоглоомоор тоглох, арьсаа нурахаас хамгаалж тальк цацуулах гэхчилэнгийн нярайн асаргааны бүхий л үйлдлийг хийлгэж амьдрах эл хачирхалтай ертөнцөд тэд маш олон шалтгаанаар хөл тавьдаг.
Зарим нь үнэхээр нярай хүүхэд шиг болж бодож санах зүйлгүй сайхан амьдрахыг хүсдэг байхад зарим нь зугаа болгож, нөгөө хэсэг нь сексийн хачирхалтай зан үйл болгох зэргээр “энэ” дүрд хувирдаг байх юм.
“Paraphilic infantilism” гэх энэхүү синдромын талаар дэлгэрэнгүй судалсан мэдээлэл хараахан үгүй бөгөөд насанд хүрсэн хүүхэд болсон хүмүүсийн ихэнхи нь эрчүүд байдаг ба 38 гаруй настайдаа энэ замыг сонгодог гэсэн баттай бус мэдээлэл байх ч онлайн хайлтын үр дүнд ихэнхи нь эмэгтэйчүүд байх аж.Түүнчлэн энэ замыг сонгосон хүмүүсийн ихэнхи нь сэтгэцийн гажигтай эсвэл өмнөө тулгарсан аливаа асуудлыг шийдвэрлэх чадваргүй, бие ба сэтгэлийн амрыг харсан хүмүүс байдаг гэж үздэг байна.
Өдгөө насанд хүрсэн нярайчуудад зориулсан цахим сайтаас эхлээд холбоо нийгэмлэг гээд салбар салбарын үйл ажиллагаа газар авчээ. Дээрх хачирхалтай явдлаас сэдэвлэж Их Британий “Channel IV” телевизээс “The 15-Stone Babies” хэмээх баримтат киног хүртэл гаргасан бөгөөд насанд хүрсэн нярайчуудад зориулсан олон нийтийн арга хэмжээг 1990-ээд оноос эхтэйг хүртэл дурьджээ.
www.URLAG.mn
