Титаник II”-ийг 2016 онд ашиглалтад оруулна

 Хятадууд “Титаник II”  хөлгийн хуулбарыг мөсөн уулын хамт хийж, цэцэрлэгт   хүрээлэнд   байрлуулах болсон   нь   хамгийн   муу   санаа гэж Ирландчууд шүүмжилж байна. 

Далайн  эргээс  1000  гаруй километрийн  зайд  буюу  Сичуань мужид барих уг байгууламж Титаник хөлгийн   сүйрлээр   амь   үрэгдсэн хүмүүсийн    дурсгалыг    хүндэтгэх зорилготой   ажээ.   Хятадууд  энэ төслийг  хэрэгжүүлэхэд 161   сая ам.доллар  буюу  нэг  тэрбум  юань зарцуулж, 2016   онд  ашиглалтад оруулахаар     тооцоолж     байна. Ирландын Белфаст хотын даргаар ажиллаж   байсан   Жим   Рожерс  “Долоон    одтой    зочид    буудал,  цогцолбор   болох   энэхүү   төсөл  нь  маш  сайхан  боловч  мөсөн  уул  мөргөсөн хэсгийг дүрслэн харуулах нь  хайртай  хүмүүсээ  алдсан  ар  гэрийнхэнд   нь   таагүй   сэтгэгдэл  үлдээнэ” хэмээжээ.

Рожерсийн өвөг  эцэг  нь  Титаник  хөлгийг  барихад  оролцож байжээ. Тиймээс Хятадын “Титаник  II”  хийц,  загварын  хувьд тохиромжгүй  гэж  үзэж  байгаа  аж.  Титаник     1912   оны   дөрөвдүгээр сарын 15-нд   живж,1500  гаруй зорчигч   амь   үрэгдсэн   түүхтэй. Харин  төслийн  гүйцэтгэх  захирал Су Шаожун “Титаникаар дамжуулан хүмүүст  хайр,  энэрлийг  төрүүлж, хариуцлагыг мэдрүүлэхийг хүссэн” гэжээ.  “Титаник-II” нь есөн давхартай  бөгөөд  экипажийн  900 гишүүн, 2400   зорчигч   тээвэрлэх хүчин чадалтай байх юм.

эх сурвалж: info.mn