Жүжигчин, найруулагч Т.Билэгжаргал буюу Бэкэ кинонд дан дүр бүтээхээс гадна өөрөө зохиолыг нь бичин найруулагчаар ажиллах болсон. Тэрбээр "Гарал угсаа" кинонд ийм үүргийг гүйцэтгэж гол дүрд нь гэргийн "Гурван охин" хамтлагийн дуучин Анхмаатай тоглон үзэгчдийн хүртээл болгож байсан.
Тэгвэл жүжигчин залуу дараагийн дэлгэцийн бүтээлийнхээ ажилд оржээ.
“Тэртээх ертөнцийн хөгжимчин” дэлгэцийн шинэ бүтээл тун удахгүй нээлтээ хийхээр зэхжээ. Энэ цаг үеийн хамгийн шилдэг гэх уран бүтээлчдийг нэгтгэсэн тус киноны зураг авалтыг “Black magic” гэх мэргэжлийн видео камераар хийжээ. Киноны ерөнхий найруулагчаар Ц.Чинбат ажиллаж, киноны гүйцэтгэлийг “Lemon” студийнхэн хийсэн байна. Гол дүрүүдэд УДЭТ-ын С.Болд-Эрдэнэ, жүжигчин Ч.Ундрал нар тогложээ.
“Тэртээх ертөнцийн хөгжимчин” уран бүтээлийн продюсерээр Т.Билэгжаргал ажиллаж буй гэнэ. Тэрээр өмнө долоон киноны гол дүр болон 14 киноны туслах дүрүүдийг бүтээж байсан бол энэ удаад кино продюсерээр ажиллаж байгаа гэнэ.
Хамгийн сонирхолтой нь, тус бүтээл нь гэгээн хайрын өдөрт зориулан хийгдсэн бөгөөд хоёрдугаар сарын 14-нд нээлтээ хийх ажээ. Хосуудад зориулсан хайрын кино тун удахгүй нээлтээ хийх нь ээ.
www.URLAG.mn
