Гавьяат жүжигчин С.Жавхлан, Т.Баясгалан нар “Монгол эв нэгдэл” төслийн нээлтээ Хэнтий аймгаас эхлүүлжээ.
Энэ талаар Гавьяат жүжигчин Т.Баясгалан “Манай Худалдаа, үйлдвэр, үйлчилгээний “Эксим” үндэсний нэгдсэн холбоо нь Монгол хүний оюун санаа, хүч хөдөлмөрөөр бүтсэн бүхнийг дэлхийд үнэлэмжтэй болгох зорилготой. Эхний ээлжид 21 аймгийг тойрч үндэсний худалдаа үйлдвэр, үйлчилгээ эрхлэгчидтэйгээ уулзаж байна. Хэнтий аймагт үндэсний бүтээгдэхүүний үзэсгэлэн дэлгэгдэж, үйлдвэр үйлчилгээ эрхлэгчид тулгамдаж буй асуудал, гарц гаргалгааны талаар санал бодлоо хуваалцлаа. Мөн холбооны гишүүнчлэлд хамрагдсанаар брэнд бүтээгдэхүүн бүтээх, төсөл хөгжүүлэх, бизнесээ дараагийн шатанд гаргах, дэлхийн зах зээлд бараа бүтээгдэхүүнээ худалдан борлуулах боломжтой болно” гэжээ.
“Монгол эв нэгдэл” төслийн хүрээнд Худалдаа, үйлдвэр, үйлчилгээний нэгдсэн холбооны ТУЗ-ийн гишүүн Гавьяат жүжигчин Т.Баясгалан болон төслийг дэмжигч С.Жавхлан нар “Гавьяатын найр” тоглолтыг үнэ төлбөргүй толилуулж байгаа юм.
