Соёл, спорт, аялал жуулчлалын яамны Биеийн тамирын бодлогын хэрэгжилтийг зохицуулах газраас өнгөрсөн онд төсөвлөгдсөн 5 тэрбум төгрөгийг спортыг дэмжих ямар арга хэмжээнд, хэрхэн, яаж зарцуулсанаа тайлагнах зорилгоор “СПОРТ-2013” санхүүгийн нээлттэй тайлан үзэсгэлэнг өчигдөр СТӨ-ний Уран зургийн галерейд нээгээд байна.
“СПОРТ-2013” тайлан үзэсгэлэнд Соёл, спорт, аялал жуулчлалын яамны харъяа Спортын бэлтгэлийн төв, Монгол Улсын засгийн газрын тогтоолоор Монгол Улсад зохиогдсон олон улсын тэмцээн, Улсын аварга шалгаруулах тэмцээн зохион байгуулсан Спортын 30 гаруй холбоод оролцсон юм.
Тэд тэмцээний тайлан, баг тамирчдын спортын амжилтын талаарх тайлан, мэдээллийг фото зургаар сурталчилан олон нийтэд дэлгэн үзүүллээ.
Үзэсгэлэн хоёр өдрийн турш олон нийтэд хүрэх бөгөөд өнөөдөр буюу 2014 оны 01 дүгээр сарын 18-ны өдрийн 14:00 цагт Монгол Улсын Ерөнхийлөгчийн 2010 оны 053 дугаар Зарлигийн хэрэгжилтийг 2013 оны ажлын үзүүлэлтийг дүгнэж, шалгарсан байгууллага, биеийн тамирын арга зүйч, биеийн тамирын багш нарт Ерөнхийлөгчийн нэрэмжит “Батламж”-ийг гардуулан өгөх ёслолын арга хэмжээ болох юм байна.
ДЭЛГЭРЭНГҮЙГ ЭНД ДАРЖ ҮЗНЭ ҮҮ.
