Найруулагч Ц.Хүсэлбаатар, Гавьяат жүжигчин С.Өлзийхүү нарын охин, жүжигчин Х.Баярмааг өдгөө үзэгчид эчнээ мэднэ. Өнөөдөр түүний төрсөн өдөр тохиож байна.
СУИС-ийг төгсмөгцөө АНУ-ын Миззуригийн их сургуулийг дүүргэж боловсролоо ахиулаад ирсэн Х.Баярмаа аав, ээжийнхээ хамт “Хас урлан” фильмээ хариуцан ажиллуулдаг. Тэрбээр “Аюултай харилцаа”, “Хиртээгүй сарнай”, “Баян боол” гэхчлэн дэлгэцийн уран бүтээлүүдэд тоглохын зэрэгцээ “Орфей” театрын “Гэм зэм” пост драмын жүжиг, “Хязгааргүй” хип хопера мюзикл зэрэг тайзны уран бүтээлүүдэд өөрийгөө сорьсон. Түүнчлэн АНУ-ын “In the Wee hours” продакшны Dan Hertzog найруулагчийн “The snow is always whiter” буюу “Цас үргэлж цагаанаараа” нэртэй киноны гол дүрд тоглож, зураг авалтаа Нью-Йорк хотыг Манхэттенд авахуулаад амжсан юм. Харин одоогоор тэрбээр 10 ангит уран бүтээлд ханцуй шамлан ороод буй. “Хас урлан” фильмийн дэлгэцийн 19 дэх уран бүтээл төдийгүй, хоёр улсын хамтран бүтээх “Зүрхний хайрт эгч минь” хэмээх нэрээр үзэгчдэд хүргэх эл олон ангит киноныхоо зохиолыг Х.Баярмаа бичсэн бөгөөд мөн продюсероор нь ажиллаж буй юм.
Тайз, дэлгэцийн урлагт гялалзаж буй түүнд төрсөн өдрийн мэнд хүргэе.
