Үндэсний дуу бүжгийн эрдмийн чуулгын хамт олон 17-р жарны Ялгуусан хэмээгч модон морин жилийн Сар шинийн баярт зориулсан “Гурван цагийн аялгуу ” шилдэг дууны дээжис тоглолтыг энэ сарын 24, 25, 26-нд 19.00 цагт толилуулах гэж байна.
Энэхүү тоглолтонд Монголын дууны урлагийн ноён оргил болсон алдарт дуучин Н.Норовбанзад, Г.Түмэндэмбэрэл, Б.Ламжав, В.Оросоо, Д.Банзрагч, П.Адарсүрэн нарын танил дотно дуунуудаас сонгон Ардын жүжигчин, дуучин Д.Самбуу, Гавьяат жүжигчин, дуучин Л.Чулуунчимэг, Б.Сийлэгмаа, С.Эрдэнэцэцэг, Н.Амгалан, Соёлын тэргүүний ажилтан, дуучин Б.Батмэнд, Д.Амаржаргал, Д.Оюунжаргал, С.Цогтсайхан, Х.Эрдэнэцэцэг, Ц.Түмэнжаргал, Г.Энхбаатар, Г.Отгонзул, Б.Ууганбаяр, Б.Эрдэнэбаатар, Э.Чинчулуун, Ц.Нарантуяа, хөөмийч Л.Лхамрагчаа, Ц.Цогтгэрэл, В.Батзориг зэрэг Үндэсний дуу бүжгийн эрдмийн чуулгын үе үеийн уран бүтээлчид ая дуугаа өргөн барьж, Үндэсний хөгжмийн их найрал хөгжимдөн удирдаач Б.Ганбат, хормейстр Ц.Буян-Орших, ардын бүжигчид оролцон тоглох нь ээ.
www.URLAG.mn
