Үзэгчдийн дунд хэдийнээ хүлээлт үүсгээд байгаа “Зоорь” аймшгийн кино өнөөдөр нээлтээ хийх гэж байна. Зохиолч Ц.Ууганбаярын “Шулмын инээд” номонд багтсан шилдэг өгүүллэг болох “Зоорь” богино өгүүллэгээс сэдэвлэн хийж буй уг киноны дууг реппер Rokit Bay дуулан клипжүүлээд байгаа.
Монголын анхны аймшгийн 3D кино гэдгээрээ онцлог гэх энэхүү бүтээлийн гол дүрд жүжигчин Ө.Мөнгөнтулга, Д.Мөнхзул, Б.Анхбаяр болон Э.Уянга нар тогложээ. Кинонд Галсангийн гэр бүлийнхнийг махчин аав, охин хоёрын сүнс хэрхэн сүйрүүлж байгаа талаар өгүүлэх аж.
Нэгэн залуу хөдөөнөөс нүүж ирж, аятайхан байршилтай хашаа байшин авна. Харин тэр байшингийн зооринд хүний махан хүнстэй аав, охин хоёрын сүнс хоргодсон байсныг мэддэггүй. Ямар ч байсан “Зоорь” өгүүллэгийн үйл явдал ийм. Харин кино уран бүтээлчид ямар шинэлэг зүйлийг тусгасныг өнөөдөр буюу 1 сарын 22-ноос эхэлж үзээрэй.
www.URLAG.mn
