Дэлхийн улс орнуудын чулуун дээрх зургийн 80 хувь Монгол улсад байдаг гэсэн сайхан мэдээ бий. Гэхдээ сүүлийн үед эдгээр зураг ил задгай байдгаас бүдгэрч алга болсоор байгааг салбарын яамнаас мэдээллээ.
Сэргээн засварлах төв 20 жилийн өмнө хувьчлагдсан учир сэргээх ажил сайн хийгдэхгүй байгаа нь үүнд нөлөөлжээ. Музей, сүм хийдийн үзмэр, эд зүйлсийг хулгайлах, хууль бусаар хил нэвтрүүлэх, соёлын өвийг үрэгдүүлж устгасан этгээдэд тооцох хариуцлага, хяналтын тогтолцоо сул, биет бус өвийг өвлөн уламжлагчын үнэлэмж доогуур, төрийн дэмжлэг дутмаг байгаа тул түүх, соёлын дурсгалт зүйлийг хамгаалах эрх зүйн орчинг боловсронгуй болгохоор зэхсэн.
Соёлын өвийг хамгаалах тухай хуулийн төсөл батлагдсаар шинээр хоёр бие даасан байгууллага байгуулагдах юм байна. Соёлын өвийн гэрээт ажилтан 200, соёлын үндэсний төвд 45, сэргээн засварлах төрийн өмчит үйлдвэрийн газар газар 115 хүн ажиллах тооцоо гаргажээ.
У.Бадам
Эх сурвалж: gogo.mn