Улсын Филармонийн Морин хуур найрал хөгжмийн удирдаач, гоцлол хөгжимчин Н.Жигжиддоржийн ширэн цартай өвөг морин хуураар Монголын үе үеийн хөгжмийн зохиолчдын шилмэл бүтээлүүдийг Симфони найрал хөгжимтэй гоцлон хөгжимдөж бичүүлсэн “Алтан хуур” пянзны нээлтийн тоглолт хоёрдугаар сарын 18-нд УБДЭТ-т болно.
Тоглолтод Улсын Филармонийн симфони найрал хөгжим оролцож, удирдаач Д.Нямдаш удирдана. Тоглолтын үеэр “Алтан хуур” пянзанд бичигдсэн бүтээлүүдийг толилуулахаас гадна дуудлага худалдаа, анхны худалдан авагчдад гарын үсэг зурах гэхчилэн арга хэмжээ мөн болох юм байна.
