Анх 1983 онд болсноос хойш 31 дэх жилтэйгээ золгож буй "Болор цом" яруу найргийн наадам Өвөрхангай аймгийн Арвайхээр хотноо болсон билээ.Оны шилдэг шүлэг шалгаруулах “Болор цом” наадмын эхний шатанд шалгарсан яруу найрагчдын нэрийг МЗЭ-ээс тодруулж, 150 гаруй уран бүтээлч бүтээлээ ирүүлснээс эхний шатанд 25 яруу найрагчийг шалгаруулсан юм.
Ийнхүү 25 найрагч тайзнаас үзэгдчдэд шүлгээ уншиж сонирхуулснаас тавын даваанд яруу найрагч Г.Батсайхан, Л.Моломжамц, Д.Өсөх-Эрдэнэ, Ч.Ууганбаяр, О.Цэнд-Аюуш нар шалгарчээ..
Тэгвэл сүүлийн даваанд онооны дарааллаар Л.Моломжамц 18 оноогоор тэргүүлж, "Болор цом"-ын эзэн найрагч болсон бол 17 оноогоор О.Цэнд-Аюуш, 16 оноогоор Б.Батсайхан, 15 оноогоор Ч.Ууганбаяр, 14 оноогоор Д.Өсөх-Эрдэнэ удаах байруудад шалгарлаа. Энэ удаагийн "Болор цом"-ын шүүгчээр Б.Лхагвсүрэн, Т.Галсан, Б.Галсансүх, М.Саруулдалай, Н.Даваадаш нар ажилласан юм.
www.URLAG.mn
