Улсын хүүхэд, залуучуудын театр өнгөрсөн дөрөвдүгээр сард Төрийн шагналт, Соёлын гавьяат зүтгэлтэн Д.Батбаярын “Хайрыг хайрла” уянгын драмын жүжгийг Төрийн соёрхолт, Урлагийн гавьяат зүтгэлтэн Н.Наранбаатарын найруулгаар тоглож, хөшгөө нээсэн. Үүний дараа Н.Сүхдоржийн зохиол, Б.Энхээгийн найруулга “Арслан хүлэгт баатар” хүүхдийн жүжгээ толилуулсан. Мөн ахлах ангийн сурагчдын хайр дурлал, үерхэл нөхөрлөл, гэнэн томоогүй өрсөлдөөн, багшийгаа хайрлах хайрын тухай өгүүлсэн өсвөр насныхан, төгсөх ангийн сурагчдад зориулсан “18 дахь хаврын хайр” драмын жүжгийг Б.Брехтийн “Сычуаны сайн хүн”, Н.Гоголийн “Тоглоомчид” жүжгийн найруулагч Э.Ёндоншаравын найруулснаар мөн үзэгчдэд хүргэсэн юм.
Тэвэл Улсын хүүхэд, залуучуудын театрын дараагийн уран бүтээл нь Английн зохиолч Рэй Кунигийн “Хүүхнүүдийн хаанчлал” инээдмийн водевиль жүжиг байх аж. Насанд хүргэчдэд зориусан эл жүжгийг Монгол Улсын Ардын багш, Урлагийн гавьяат зүтгэлтэн Н.Ганхуяг найруулсан бөгөөд ирэх гуравдугаар сарын 6-наас үзэгчдийн хүртээл болгоно. Дүрүүдэд Гавьяат жүжигчин Н.Ариунболд, жүжигчин А.Ганзориг, Х.Азбуян, Г.Анун, Г.Эрдэнэбат, Г.Алтангэрэл, А.Оргил, П.Анхбаяр нар тоглоно.
