Америкийн 29 настай дуучин бүсгүй Кэти Перри хэзээ ч эгэл даруу нэгэн байгаагүй билээ. Энэ удаа ч гэсэн тэрбээр нэгэн гялгар сэтгүүлийн хавтсыг нэлээн илэн далангуй өмсгөлтэйгээр чимэглэжээ. Мөн сэтгүүлд чамгүй нээлттэй, илэн далангуй ярилцлагыг өгсөн байна.
Перри өсвөр насандаа том хөхтэй болохыг мөрөөдөж байсан, хэзээ охин биеэ алдсан, мэс ажилбарын талаар юу гэж боддог талаараа чөлөөтэй ярилцсан гэнэ. Дуучин бүсгүй нэлээн шашин шүтлэгтэй гэр бүлд төрж, өссөн гэдгийг хүмүүс мэднэ. Эцэг, эх нь Евангелийн сургаалийг чандлан сахиж, мөрддөг билээ. Гэтэл ийм айхтар хүмүүжил олж авсан Кэти бүсгүй дуучин болохыг хүссэн гэдэг.
“Нэг шөнө би дээшээ харан хэвтэж байгаад санаандгүй хөл рүүгээ харсан. Тэгэхэд би Бурханд хандан “Надад маш том хөх хайрлаач. Тэгвэл би хөлөө харж чадахгүй болно” хэмээн залбирсан юм. Намайг ердөө 11 настай байхад Бурхан миний хүслийг биелүүлсэн. Хэвтэж байхад л хөх маань суга руугаа хальж байсан юм даг” хэмээн Кэти өгүүлжээ. Түүнчлэн Перри Жефф Баклигийн “Грэйс” гэдэг цомгийг сонсонгоо Volvo машины урд суудал дээр охин биеэ гээсэн гэдгээ илэн далангуй ярьсан байна. Дараа нь шашин шүтлэгийн талаар өгүүлээд зогсохгүй “Би хэзээ ч пластик мэс ажилбар хийлгэж байгаагүй. Хаанаа ч мэс хүргээгүй. Эхээс төрснөөрөө л байгаа” хэмээн хэлсэн гэнэ.
Эх сурвалж: Wikimon.mn