Эртний хөгжмийн зэмсэг бүхий олдворууд ХБНГУ-д сэргээн засварлагдаад эх орондоо эргэн ирлээ.Энэхүү үнэ цэнэтэй олдворуудыг 2013.01.25-ны өдөр "Чингис Хаан" ОУ нисэх онгоцны буудалд ССАЖ-ын сайд хатагтай Ц.Оюунгэрэл, ХБНГУ-с Монгол Улсад суугаа элчин сайд ноён Герхард Тийдман болон ХБНГУ-ын Элчин сайдын яам, нэгдүгээр нарийн бичгийн дарга Михаэль Россбах, ШУА-ийн Археологийн хүрээлэнгийн захирал, Dr. Prof. Д.Цэвээндорж, Монголын Үндэсний түүхийн музейн захирал Д.Сүхбаатар зэрэг албаны хүмүүс хүлээн авсан юм. Олдворуудыг Үндэсний музейд хүлээлгэн өгсөн бөгөөд энэ оны эхний улиралд багтаан эдгээр олдворуудаар үзэсгэлэн гаргаж олон нийтэд дэлгэн үзүүлэх юм.
