Жүжигчин Кристен Стюарт Холливудын дур булаам, донжлог хүүхнүүдийн тоонд багтдаггүй нэгэн билээ. Тэгвэл саяхан өгсөн нэгэн ярилцлагадаа тэрбээр өөрийн гадаад үзэмжийн талаар илэн далангуй ярьсан гэнэ. Кристен бүсгүй үсээ янз бүрээр засуулах дуртайгаа өгүүлсэн бөгөөд нүүрнийхээ будалтыг хоёр өдөр дараалан цэвэрлэдэггүй болохоо илчлэв.
“Хэрэв би жүжигчин байгаагүй бол байнга л үсээрээ оролдож суух байсан. Үсээ богиносгоод, үе үе будах байсан биз. Банди нарынх шиг богино засалт хийлгэхийг хүсч байна. Нас барахынхаа өмнө би үсээ мөлчийтөл хусуулаад толгой дээрээ шивээс хийлгэх болно. Яг ар дагзан дээрээ хийлгэх байх. Гэхдээ яг ямрыг хийлгэхээ одоогоор төлөвлөөгүй байна. Би илбэнх шиг хар нүдтэй учраас бага зэрэг будаг түрхээд улам харлуулчихдаг. Хар өнгө бол хүнд өнгө л дөө. Гэхдээ л надад таалагддаг юм. Өдөр болгон будаад байх нь утгагүй тул нүднийхээ будгийг хонуулчихдаг билээ” хэмээн Кристен бүсгүй өгүүлэв.
