Гавьяат жүжигчин Г.Золбоотын хүү З.Хангал аавынхаа мэргэжлийн өвлөн залгамжилж, уран бүтээлийн гараагаа эхлээд буй.
Хөгжим бүжгийн коллежийг төгссөн, морин хуурч мэргэжил эзэмшсэн ч З.Хангал жүжигчин болох багынхаа мөрөөдлийг биелүүлэхээр шийдэн, 2015 онд СУИС-ийг Гавьяат жүжигчин Л.Дэмидбаатарын удирдлагад төгсжээ.
Тэрбээр 2011 онд СУИС-ийн оюутан болмогцоо “Тэнгэрийн продюсер” кинонд тоглосноор дэлгэцийн уран бүтээлийн гараагаа эхэлжээ. Үргэлжлүүлэн “Боловсрол” телевизийн “Хайр эргэсэн хавар” олон ангит кинонд тоглосон байна. Түүнээс хойш “Admin Z”, “Гэрэл”, “Амьдралын урт замд”, “Admin Z-2”, “Улаан цэцэг”, “Ээж” зэрэг бүрэн хэмжээний уран сайхны кино, “Фантастик” продакшны “37 дугаар точка”, “Монгол” телевизийн “Suits”, “Боловсрол” телевизийн “Хавтаст хэрэг-2” гэхчилэн олон ангит кинонд тоглоод буй юм.
Удам залгасан авьяаслаг жүжигчин түүнд төрсөн өдрийн мэнд хүргэе.
