Монгол улсад чөлөөт бүжгийн урсгал буюу орчин үеийн бүжиг хөгжлийн гараагаа тавиад удаагүй байгаа ч өнгөрсөн 2 жилийн хугацаанд энэхүү урлаг хурдацтай хөгжиж, олон улсын хэмжээнд цойлж, Монгол улсын нэрийг дэлхийн тавцанд гаргах хэмжээнд хүргэхээр тууштай бэлтгэгдэж буй хүүхэд залуусын тоо ч өдөр ирэх тусам нэмэгдсээр байгаа.
Үүнтэй холбогдуулж, соёл урлагийн чиглэлээр үйл ажиллагаа явуулдаг Эйм Фор Революшн /Aim for Revolution – AIM4R/ бүжиг сонирхдог залуустай зориулан дэлхийн хэмжээний хип хоп бүжигчинг эх орондоо авчрахаар боллоо.
Shaadow Sefiroth нь өнгөрсөн жил Европын улс орнуудаар хичээлээ заасан бол энэ жилийнхээ гарааг Япон улсаар эхэлсэн. WOD /World of dance/, KOD /Keep on dancing/, “So You Think You Can Dance”, “Monster hip hop”гэх мэтчилэн дэлхийн нэртэй тэмцээнүүдэд амжилттай оролцсон тэрээр энэ сарын 30-нээс 2 сарын 4-ны хооронд Монголын залууст өөрийн мэдлэг, чадвараа хуваалцахаар боллоо.
Бүжиг сонирхогч залуус та бүхэн энэхүү бүжигний хичээлд суухыг хүсвэл 99906227 дугаараас дэлгэрэнгүй мэдээллийг аваарай.
Я.Хүрэлхүү
