“Жийж” продакшн, “MBT” энтертайнмент, “Nomadia” пикчерс, “Red point” медиагийн хамтран бүтээсэн “Цөвүүн цаг” уран сайхны кино ирэх гуравдугаар 6-ны өдөр Монголд нээлтээ хийж, бүх кинотеатраар үзэгчдийн хүртээл болно.
Түүнчлэн эл уран бүтээл Япон Улсад гарахаар боллоо. Тодруулбал, Монголын түүхэн уран бүтээл болох “Цөвүүн цаг” уран сайхны кино гуравдугаар сарын 15-нд Японы “LAWSON UNITED Cinemas Style-S Minatomirai” кинотеатрт ганцхан удаа гарахаар болжээ. Тасалбарын үнэ 4,500 иен байх аж.
