Холливудын нэрт жүжигчин, 46 настай Филип Сеймур Хоффман Манхеттен дэх гэртээ нас барсан байжээ.Албаныхан түүний үхлийн шалтгааныг мансууруулах бодис хэтрүүлэн хэрэглэсэн байж болзошгүй гэж үзэж байна. Түүний найз, зохиолч Дэвид Катз гэрт нь ороход тэрээр угаалгын өрөөнийхөө шалан дээр зүүн гартаа тарианы зүү хатгасан байдалтай байсан гэнэ. Мөн нэгжлэгийн явцад албаныхан гэрээс нь хоёр уут героин болон героины найман хоосон уут олжээ.
Хоффман хамгийн сүүлд бямба гаригийн орой хөршүүддээ харагдсан бөгөөд маргааш нь хүүхдүүдээ авахаар төлөвлөөд байсан гэнэ.
Хоффман 1992 оны "Scent of a Woman" кинонд бүтээсэн туслах дүрээрээ дэлхийд танигдсан бөгөөд 2005 онд "Capote" киногоороо Академи шагнал гардуулах ёслолоос шилдэг эрэгтэй жүжигчин номинацийн шагнал хүртэж байжээ.
Мөн тэрээр жүжиглэхээс гадна кино найруулах авьяастай гэдгээ баталж "Jack Goes Boating” киног найруулсан. Тэрээр хамгийн сүүлд “The Hunger Games: Mockingjay” киноны хоёрдугаар хэсэгт тоглосон бөгөөд дүрийнхээ ихэнх хэсгийг бүтээсэн байжээ.
Филип Сеймур Хоффман, 2000 он, "Time" сэтгүүл
Б.Сондор
ЭХ сурвалж: gogo.mn
