Монгол нүүдэлчдийн тайлбар толь хэвлэгдэн гарчээ. Цаашид цуврал болон гарах энэхүү тайлбар толийн тэргүүн боть нь гэр, хувцас, мал аж ахуй гэсэн гурван бүлгээс бүрдэх аж.
Бүлэг бүрийг гэр барих, нүүх, ачаалахаас аьахуулаад монгол үндэстэн, ястны хувцас тэдгээрийн төрөл зүйл мөн мал төллөх бод малыг уналга, эдэлгээнд сургах зэрэг сэдвийн дагуу нарийвчлан тайлбарласнаараа энэ чиглэлийн анхны тайлбар толь болж байгаа юм. Монголчуудын цээрлэдэг ёс болох гол булгийн уанд сүү цагаан идээ оруулдаггүй уурган дээгүүр алхдаггүйн учрыг энэхүү тайлбар тольд тайлжээ. Мөн гэрийн хаалгыг яагаад урагш нь харуулж барьдаг, ямар учраас дээлийн нударгыг залгаа оруулж оёдог гэх мэт монголчуудын байгаль, цаг агаартай зохицсоор ирсэн арга ухааныг бичсэн байна.
