Кино зураглаач, найруулагч Жигжидийн Отгонбиндэр 2025 оны хоёрдугаар сарын 22-ны өдөр хүнд өвчний улмаас таалал төгсөж, гэр бүл, ах дүү, төрөл төрөгсөд, найз нөхөд, Монголын кино урлагт нөхөж баршгүй хүнд гарз учирлаа.
Жигжидийн Отгонбиндэр 1966 онд Улаанбаатар хотод төржээ. Тэрбээр нийслэлийн 33 дугаар сургуулийг төгсөж, цаашлаад 1985-1988 онд цэргийн албыг хаажээ. 1992-1996 онд “Бэрс” кино урлагийн дээд сургуульд Урлагийн гавьяат зүтгэлтэн, кино оператор Г.Цэрэнгийн урланд суралцаж төгсөн, кино урлагтай амьдралаа холбосон түүхтэй.
Түүний ажилласан дэлгэцийн уран бүтээлүүдээс дурдвал:
1999 он “Амьдралын урсгал” найруулагч, оператор
1999 он “Тэнхээтэй сэтгэл” найруулагч, оператор
1999 он “Хайрын зууч” найруулагч
1999 он “Сэтгэлд шивсэн үг” оператор
2000 он “Сумын атаман” найруулагч
2000 он “Сайн малчин Гитлер” найруулагч
2001 он “Амин хайр” оператор
2002 он “Сүүгээр ариусдаг хорвоо” оператор
2002 он “Үүлэн чөлөөний нар” оператор
2004 он “Хайрын марал” оператор
2011 он “Тэнгэрийн хүү” оператор
2020 он “Тайгын савдаг” найруулагчаар тус тус ажиллажээ.
