Модон морин жилийн сар шинийн баяр тохиож буй энэ өдрүүдэд “Монгол кино нэгтгэл”-ийн ахмад уран бүтээлчдэд шагналын хур буулаа.
80 жилийн ой нь тохиож буй “Монгол кино нэгтгэл”-д ажиллаж байсан инженер техникийн албаны ахмад ажилчдыг ССАЖЯ-ны сайд Ц.Оюунгэрэл өчигдөр хүлээн авч уулзан, Соёлын тэргүүний ажилтан цол тэмдгээр шагнажээ. “Монгол кино” үйлдвэрийн инженер, техникийн ажилтан Ш.Цэрэнням, Санхүү, жижиг хэрэглэлийн эрхлэгч Д.Юмжирдулам, техникч Н.Өнөчимэг, Ш.Алтанцоож нар Соёлын тэргүүний ажилтан цол тэмдгээр тус тус энгэрээ мялаажээ.
