Удахгүй болох гэгээн хайрын баяраар гавьяат жүжигчин Б.Сарантуяа хосуудад "Хайрын бэлэг" барих нь ээ. Түүний театрчилсан, амьд тоглолт энэ сарын 14-нд "Marquee 27" клубт 20 цагт болох юм байна.
,
Уг тоглолт нь залуусын хайр дурлал, үнэнч сэтгэлийг зохиомжит уран сайхны утга найруулгаар харуулсанаараа урьд урьдны тоглолтуудаас онцлогтой болох аж. Дуучин Сарантуяагийн үе үеийн хайрын хит дуунуудыг театрчилсан найруулгаар үзэх нь ээ.
Тоглолтонд олон авьяаслаг уран бүтээлчид оролцож байгаа бөгөөд тоглолтын театрчилсан илэрхийлэлийг УДЭТ-ийн залуу уран бүтээлчид болох жүжигчин Д.Ганцэцэг, Г.Дөлгөөн-Аюуш, Н.Баяржавхлан нар тайзнаа амьдруулах бол амьд хөгжмийн багт “Никитон” хамтлагийн бөмбөрчин Ж.Золбоо, “Никитон” хамтлагийн басс гитарчин Б.Буян-Өлзий, даралтат хөгжимчин Ц.Байдраг, гитарчин Т.Мөнх-Оргил, цохивор хөгжимчин Б.Ганхөлөг болон бусад залуу хөгжимчид, дуучин Б.Ядамсүрэн, Э.Болор-Уянга нар оролцох юм байна.
Тоглолтын үеэр “Хамгийн амттай шоколад”-ны дуудлага худалдаа болохоос гадна шоколадны үзэсгэлэн худалдаа зэрэг олон сонирхолтой гэнэтийн бэлгүүд энэ л үдэш задарч, хайртдаа бэлэглэх хамгийн нандин бэлэг тань дуу хууртай сүлэн биелэлээ олох нь ээ.
Дурласан зүрхний тухай, дуусашгүй аз жаргалын төлөө, унтрашгүй итгэлийн талаар, хувирашгүй хайрын түүхийг “Хайрын Бэлэг” театрчилсан амьд тоглолтоос мэдрээрэй.
Тоглолтын тасалбар 50 мянга болон 80 мянган төгрөгийн үнэтэй бөгөөд 99919959, 95191134, 70002075 утсаар дэлгэрэнгүй мэдээллийг авах боломжтой.
www.URLAG.mn