“Sweetymotion” хамтлагийн авьяаслаг бүсгүйчүүд ард түмний сэтгэлд хоногшсон дуунуудыг өөрсдийн өнгө төрхөөр амилуулаад зогсохгүй тэдгээр бүтээлийг амилуулсан уран бүтээлчидтэй уулзаж, ярилцан баримтат кино концерт бүтээжээ.
Монгол түмний сэтгэл зүрхэнд хоногшсон 50,60-аад оны дуунууд болох "Тунгалаг буянт”, “Нэг л мэдэхэд уулзана даа”, “Бүсгүй хүний заяа”, “Аргалд явсан ижий”, “Өссөн нутаг”, “Өргөн сэлэнгэ”, “Дэнжийн ногоо”, “Болзоо”, “Алтан намар”, “Охидийн уянга” зэрэг алтан үеийн 11 дуунаас бүрдсэн, “Sweetymotion” хамтлагийнханы шинэчилсэн найруулгаар дуулсан кино концертыг үзэгчид “Univision”-ы кино архиваас үзэх боломжтой гэнэ.
Сонирхуулахад “Зүрхэн аялгуу” нэртэй уг кино концерт нийт нэг цаг арван минутад үргэлжилэх бөгөөд түүнд багтсан дуунуудаар удахгүй цомог гаргах тухай хамтлагийнхан уламжиллаа. Кино концертын хөгжмийн найруулагчаар төгөлдөр хуурч Б.Чинбат ажиллаж, хөгжмийн тохиргоог Сингапурт хийлгэжээ. Харин хоолойны бичлэгийг “New star”, “White arch”, “Pro Sounds” студид бичүүлсэн байна.
www.URLAG.mn