Монголын кинотеатруудын менежментийн холбооноос кинотеатруудаар үзэгчдийн хүртээл болгож буй Монгол уран бүтээлүүдийн нээлтийн үзвэрийн тоог төдийгүй тухайн уран бүтээлүүдийн долоо хоног, нэг сар, улирлын үзэлт болон нийт үзэгчдийн тоог гаргаж, олон нийтэд танилцуулдаг.
Тэгвэл тус холбооноос өнгөрөгч долоо хоногт нээлтээ хийсэн гурван уран бүтээлийн эхний дөрвөн өдрийн үзэгчдийн тоог танилцууллаа. Тодруулбал, “Хувьсал” продакшны “Аминч” драмын киног 12.122, “Xermel team”-ийн уран бүтээл “In da house-3: in Korea” инээдмийн киног 40.625, “Жийж” продакшн буюу найруулагч О.Бат-Өлзийн “Цөвүүн цаг” түүхэн уран сайхны киног 43.428 үзэгч үзжээ.
