“Оскар”-ын шагналт Бон Жун Хогийн найруулсан эмгэнэлт инээдмийн “Микки 17” кино өнгөрсөн амралтын өдрүүдэд Хойд Америкт кассын орлогоороо тэргүүлж, 19.1 сая ам.долларын орлого олсон гэж “Exhibitor Relations” компани ням гараг /2025.03.09/-т мэдээлжээ.
Гэхдээ киног бүтээхэд 118 сая ам.долларын зардал гарсан тул “Warner Bros” компани болон “Plan B” энтертайнмент энэхүү амжилтыг онцгойлон тэмдэглээгүй байна. Өмнөд Солонгосын найруулагчийн “Шимэгч” кино “Оскар”-ын наадмаас шилдэг киногоор шалгарсан гадаад хэлээрх анхны кино болсноос хойш үзэгчид түүний дараагийн бүтээлийг тэсэн ядан хүлээж байв.
“Микки 17” кинонд Английн жүжигчин Роберт Паттинсоны бүтээсэн Миккигийн дүр нь сансрын аюултай нислэгүүдэд сайн дураараа оролцдог нэгэн бөгөөд түүнийг амиа алдсан тохиолдолд дахин хувилан илгээдэг байна. Мөн Америкийн жүжигчин Стивен Ён, Марк Руффало Австралийн жүжигчин Тони Коллет нар дүр бүтээжээ.
