УДЭТ-ын жүжигчин Г.Алтангэрэл, Г.Номуун нар 2023 онд гурван хүүхдийн хамт Улаанбаатар хотоос Баянхонгор аймгийн Галуут сумын Цагаан цохиот хэмээх нутаг руу нүүн амьдарч, соёлын биет бус өвийг хэрхэн өвлөн авч үр хүүхдүүддээ уламжилж буйг харуулсан 20 ангит нүүдэлчин ахуйн цуврал контентыг бүтээжээ.
Нийслэл Улаанбаатар хотод амьдарч байсан залуу гэр бүл, жилийн дөрвөн улирал, монголын хөдөө тал, малчин ахуйд хэрхэн дасан зохицсон, хэрхэн суралцсан, хэрхэн өөрчлөгдсөн тухай гарах 20 ангит цувралаас бид олон зүйлсийг үзэж болно. Үүнд, хүний амьдралын нэг жилийн тойрог, баяр жаргал, хагацал гуниг, бахархал омогшил, дасан зохицох ухаан, гэр бүлийн халуун дулаан уур амьсгал гэх зэргийг өгүүлжээ.
Зун, намар, өвөл, хаврын ааш аяг, дагах ёс заншил, даяаршил, дангааршил хоёрын хэлхээнд дагаж өөрчлөгдөх хүний амьдрал, өдөр тутмын өөр өнгийг байгаль дэлхийтэй харьцах монгол ухаанаас суралцаж, таньж мэдэх төсөл юм.
“Хөх дөл” төслийг санаачлагч: Г.Алтангэрэл, Г.Номуун
Продюсер:Г.Номуун
Найруулагч: М.Төгөлдөр
Зохиогч, кординатор: Р.Хонголрзул
Хөгжмийн зохиолч: Б.Эрдэнэбат /”Алтан ураг” хамтлаг/
Ерөнхий зураглаач: Г.Алтаншагай
Тайлбар уншсан: Н.Ялалт
“Хөх дөл” төслийн нээлт, “Мөнхөө” баримтат киноны үзвэр 2025 оны гуравдугаар сарын 14-нд 19:00 цагт “Corporate convention center”-т болно.
