“Forbes” сэтгүүл 2024 оны хамгийн өндөр орлоготой жүжигчдийн чансааг нийтэлжээ. Уг жагсаалтыг татвар төлсний дараа 88 сая ам.долларын орлого олсон Дуэйн Жонсон тэргүүлсэн байна. Түүнд өнгөрсөн онд “Red one” киноны гол дүрийнх нь төлөө “Amazon”-оос 50 сая орчим доллар төлсөн бол “Мoana 2” бүрэн хэмжээний хүүхэлдэйн киног цуврал болгох шийдвэр гаргасны дараа Дуэйн Жонсон гүйцэтгэх продюсерийн хувиар ашгийн тодорхой хувийг авахаар болсон байна.
Харин жагсаалтын хоёрдугаарт 85 сая ам.долларын орлого олсон Райн Рейнольдс оржээ. Райн Рейнолдсын гол дүрд тоглож, ерөнхий продюсер, хамтран зохиолчоор ажилласан “Deadpool & Wolverine” кино өнгөрсөн онд дэлхийн кинотеатруудаас 1.3 тэрбум ам.долларын орлого олсон юм.
Жагсаалтын гуравдугаарт 81 сая ам.долларын орлого олсноор инээдмийн жүжигчин Кевин Харт бичигдсэн бөнөөл тэрбээр зөвхөн кино, олон ангит кинонд дүр бүтээгээд зогсохгүй 90 гаруй стэнд-ап шоу, хэд хэдэн сурталчилгааны компанит ажлыг зохион байгуулжээ.
Түүнчлэн хамгийн өндөр цалинтай таван жүжигчний тоонд Жерри Сейнфельд (60 сая ам.доллар), Хью Жекман (50 сая ам.доллар) багтсан байна. Мөн эхний аравт Брэд Питт (32 сая ам.доллар), Жорж Клуни (31 сая ам.доллар), Николь Кидман (31 сая ам.доллар), Адам Сандлер (26 сая ам.доллар), Вилл Смит (26 сая ам.доллар) багтжээ.
