2014 оны 2-р сарын 6-13-ны хооронд АНУ-ын Нью Йорк хотноо болж буй “Mercedes Benz New York Fashion Week” загварын шоунд Монголын дизайнер Katya Zol өөрийн загваруудаа өчигдөр амжилттай танилцууллаа.
Түүний загварын шоуг үзэхээр 2500 гаруй хүн хүсэлт ирүүлсэн ч суудлын тоо ойролцоогоор 1300 байсан учраас бараг тал хувь нь үзэж амжилгүй дараагийн шоуг нь үзэхээр тэсэн ядан хүлээх болно гэсэн байна.
Катя Золын загварыг монгол моделиуд өмсөж амьдруулснаараа онцлог юм. Тус шоунд Монгол улсаас Г.Оюунгэрэл, С.Төгс, Нора Дагва, М.Уранцэцэг зэрэг Монголын загварын сор болсон моделиуд оролцож, Katya-гийн урласан үндэсний загварыг илтгэсэн гурван коллекцыг гадаадын моделиудын хамтаар танилцуулжээ.
Монгол ардын уртын дуугаар эхэлсэн түүний “Fall/Winter 2014 Collection” шоуг хүргэж байна.
www.URLAG.mn
