Гүрж гаралтай загвар зохион бүтээгч Демна Гвасалия тансаг зэрэглэлийн загварын ордон “Gucci” брэндийн Уран бүтээл эрхэлсэн захирлаар томилогдлоо. Тэрбээр 2015 оноос “Balenciaga” брэндийн Уран бүтээл эрхэлсэн захирлын албыг хашсан бөгөөд өмнө нь “Vetements” брэндийн Уран бүтээл хариуцсан захирал, “Louis Vuitton” брэндийн загвар зохион бүтээгчээр ажиллаж байсан юм.
Демна Гвасалия ирэх долдугаар сард “Balenciaga” брэндийн кутюр загварын шоуг хийсний дараа “Gucci” брэндийн шинэ ажлаа хүлээн авах аж. Тэрбээр энэ талаараа “Gucci” гэр бүлд нэгдэж буйдаа баяртай байна. Олон жилийн турш биширч, хүндэлж ирсэн брэндийнхээ нэг хэсэг болно гэдэг нэр төрийн хэрэг” хэмээжээ.
Сонирхуулахад, “Gucci” болон “Balenciaga” брэнд 2021 онд хамтран цуглуулга гаргаж байв. Энэ цуглуулгаар хоёр брэндийн хамгийн алдартай загваруудад тус тусын лого, хээ зэргийг шигтгэсэн загварууд гаргасан нь тухайн үед хувцас загварын салбарт томоохон шуугиан тарьж байлаа.
