Бүгд Найрамдах Итали улсын Венец хотноо жил бүр зохион байгуулдаг Венецийн олон улсын кино наадам өнөө жил ирэх наймдугаар сарын 27-ны өдрөөс есдүгээр сарын 6-нд болно.
82 дахь жилдээ болох тус кино наадам нь энэ жил дараах төрлүүдэд доорх хугацааг хүртэл бүтээл хүлээн авна.
Үүнд:
- Бүрэн хэмжээний уран сайхны кино (зургаадугаар сарын 13)
- Богино хэмжээний кино (тавдугаар сарын 31)
- Иммерсив төсөл /Immersive Projects/ (тавдугаар сарын 8)
Тавигдах шаардлага:
- Бүрэн хэмжээний уран сайхны кино болон богино хэмжээний кино нь уг кино наадмаар дэлхийн нээлтээ хийх, мөн иммерсив төсөл нь уг кино наадмаар дэлхийн нээлт эсвэл олон улсын нээлтээ хийх,
- Кино нь 2024 оны есдүгээр сарын 7-ноос хойш бүтээгдсэн байх,
- Кино нь өмнөх Венецийн олон улсын кино наадмуудад ямар ч хэлбэр, урттайгаар, тэр дундаа бүтээлч явцын шатанд байсан ч танилцуулагдаагүй байх ёстой.
- Киног арилжааны зорилгоор түгээгээгүй, цахим орчинд тавиагүй байх,
- Урьд нь олон нийтэд (эсвэл хэвлэлийн салбарт) үзүүлээгүй байх, олон улсын кино наадам болон кино урлагийн арга хэмжээнд оролцоогүй, түүнчлэн эх орондоо үзүүлээгүй байх.
- Кино бүтээлийг DCP форматаар илгээнэ. Венецийн Иммерсив төсөл төрөлд илгээх төсөл нь 180, 360, META & Apple Immersive Video байж болно.
- Кино нь итали хэл дээр бүтээгдээгүй бол англи эсвэл итали хадмал орчуулгатай байх, (англи хэл дээр бүтээгдсэн кино байсан ч хадмал орчуулга шаардлагатай)
Бүрэн хэмжээний кино дараах холбоосоор нэвтрэн бүртгүүлнэ: https://web9.labiennale.org/sel/1e.aspx
Богино хэмжээний кино дараах холбоосоор нэвтрэн бүртгүүлнэ: https://web9.labiennale.org/sel/1e.aspx
Иммерсив төслийг дараах холбоосоор нэвтрэн бүртгүүлнэ: https://web9.labiennale.org/sel/1vr.aspx
Бүртгэлийн хураамж:
- Бүрэн хэмжээний уран сайхны кино (тавдугаар сарын 31-ний дотор бүртгүүлбэл € 200 евро), (зургаадугаар сарын 13-ны дотор бүртгүүлбэл € 250 евро)
- Богино хэмжээний кино (дөрөвдүгээр сарын 30-ны дотор бүртгүүлбэл € 80 евро), (тавдугаар сарын 31-ний дотор бүртгүүлбэл € 100 евро)
- Иммерсив төсөл (дөрөвдүгээр сарын 30-ны дотор бүртгүүлбэл € 200 евро), (тавдугаар сарын 8-ны дотор бүртгүүлбэл € 250 евро)
