Телевизийн од Ким Кардашьян өөрийн бүх хувцсыг хадгалж байхаар шийджээ. Дараа нь өөрийн Норд охинд тэр хувцаснуудаа Хэллоуины баярын өмсгөл болгож өмсүүлэх гэнэ. Өдгөө их засвар хийгдэж байгаа тэдний шинэ байшинд бүсгүйн хувцсыг агуулж байх үлэмж хэмжээтэй өрөө байх юм.
Охин нь өсч том болоод тэндээс юу дуртайгаа сонгон авч өмсөх аж. Тэгвэл Ким бүсгүйд одоо дэндүү их хувцас хуримтлагдсан тул Норд охиноос гадна өөр олон арван хүүхдэд ч хүрэлцэхүйц болжээ. Сүүлд өгсөн нэгэн ярилцлагадаа Ким “Би бүх хувцсаа Нордод хадгалж үлдээнэ. Манай дээврийн хонгилд нэлээн том зай бий. Яг одоо бол би багагүй хувцас цуглуулсан байгаа. Охин маань миний хувцсыг таалахгүй, ирээдүйд өмсөхгүй бол би гомдохгүй. Харин эдгээр хувцсыг хараад өөрийн өнгөрсөн түүхийг дурсаж суух нь таатай байх болно. Үгүй ядаж л тэдгээрийг охин маань Хэллоуины баяраар өмсөнө шүү дээ” гэж өгүүлэв.
Эх сурвалж www.wikimon.mn