Монголын говь цөлийн далайн түвшнээс дээш 1768 м өндөрт орших Бага газрын чулуунд төрсөн бүргэдүүд хатуу ширүүн өвлийг даван гарахын тулд үүрээ орхидог. Салхи, цасан шуурганы дундуур бүтэн 3000 км замыг туулж Солонгосын хойг хүрдэг. Уг замыг “Бүргэдийн зам” гэж нэрлэдэг.
Тэгвэл БНСУ-ын KBS телевизийн уран бүтээлчид Монголоос, Солонгос нүүдэллэдэг бүргэдүүдээр баримтат кино бүтээжээ. “Бүргэдийн зам” баримтат кинонд бүргэдүүд төрөхөөс эхлээд анхны нислэг, өвлийн ичээ, буцах хүртэлх Монгол, Солонгосын хойгийн хооронд 400 хоног аялсан тухай дэлгэрэнгүй өгүүлжээ.
Мөн энэ кинонд нисгэгчгүй онгоц, өндөр хурдны камерт баригдсан экологийн эрс тэс мөчүүд, тэдний амь насыг хамгаалахын тулд ажилладаг хүмүүсийн тухай өгүүлдэг байна. Үүнээс гадна бүргэгчдийн амьдралыг 400 хоногийн турш анхааралтай ажиглаж дүрсийг буулгасан байна.
Түүнчлэн бүргэдийн мэндлэхээс эхлээд өсөлт хөгжилт, анхны далавчаа цохих, үүрнээсээ гарахдаа чичирхийлсэн амьсгалах хүртэлх мөч бүхэн нь киноны хальсанд буужээ. Түүнчлэн монголын говьд бүргэдүүд тарвага, буга, халиун үнэг зэрэг зэрлэг амьтадтай зохицон амьдарч буй байдлыг харуулсан байна.
Уг баримтат киноны найруулагчаар Но Ён Дэ ажилласан бөгөөд тэрбээр кино бүтээхдээ Монголын Бага газрын чулууны үржлийн нутгаас эхлээд бид GPS болон жигүүрийн тэмдэглэгээг ашиглан дүрсжүүлж, Солонгос дахь бүргэдийн өвөлжөө болох Геожэ, Госон, Пажу зэрэг газруудад очиж бүргэдийг судалсан байна. Кинонд гарч буй Солонгос дахь бүргэдийн өвөлжөөнд жилдээ 600 орчим бүргэд очдог байна.
