“Оскар”-ын шагнал гардуулах ёслолд хэрхэн бэлтгэж байгаа тухай “CNN”-ийн сурвалжлагыг цахим сүлжээ даяар хэлэлцэж эхэллээ. “Оскар”-ын баримлыг хийдэг газарт очсон сэтгүүлч нэг баримлыг гартаа авсан байна. Харин нэгэн ажигч үзэгч уг баримал дээр Леонардо Ди Каприо гэж бичсэнийг олж харжээ. Нэг үгээр хэлбэл “Уолл-стритийн чоно” кинонд бүтээсэн дүрийнх нь төлөө өгөх шагнал бэлэн болсон гэсэн үг.
Энэ мэдээлэл тэр даруйдаа цахим ертөнцөөр тарсан байна. Үүнээс болж зохион байгуулагчид нь тайлбар хийхэд хүрчээ. Санал хураалт хугацаандаа шударгаар явагдана, харин баримал дээр бүх нэр дэвшигчдийн нэрийг сийлдэг. Тэгээд хэрэггүй болсон баримлыг устгадаг хэмээн шүүгчид тайлбарлажээ.
Хамгийн сонирхолтой нь Ди Каприог дөрвөн удаа нэр дэвшүүлсэн хэдий ч “Оскар” хүртэж чадаагүй байдаг. Энэ удаа ч түүний шагнал хүртэх магадлал тун муу байгаа бололтой. Сануулахад “Оскар”-ын ёслол гуравдугаар сарын 2-нд болно.
Т.Бүрэн
Эх сурвалж: gogo.mn
