Хөдөлмөрийн баатар, Ардын уран зохиолч Б.Лхагвасүрэнгийн зохиол, Б.Баатарын найруулга “Тамгагүй төр” жүжиг “Монгол хаан” нэрээр дэлхийн сор болсон бүтээлүүд шигшигдэн тоглодог театруудын театруудын тайзнаа тавигдсаар буй.
Тэгвэл тус “Монгол хаан” жүжгийн англи хэлээрх комикийг “Econte” компанийн уран бүтээлчид зураг дүрслэлийг урлан, эмхэтгэн гаргасан бөгөөд бөгөөд өнгөрсөн оны хоёрдугаар сард эх монгол хэлээрээ хэвлэн гаргаж байв. Харин энэ удаа тус номын испани хэлээрх хэвлэлийг Испанийн “Amok Ediciones Publishing” хэвлэлийн газар орчуулан гаргаж, энэ оны дөрөвдүгээр сараас эхлэн Испанийн бүх номын дэлгүүрүүдээр болон Латин Америкийн 18 орны номын дэлгүүрүүдэд худалдаалж эхэлжээ.
Ташрамд, Мадрид хотноо төвтэй “Amok Ediciones Publishing” хэвлэлийн газар нь 1990 онд үүсгэн байгуулагдсан бөгөөд Азийн шилдэг уран зохиол, комик номуудын испани хэл дээрх хувилбарыг дэлхийн зах зээлд нийлүүлдэг тэргүүлэх хэвлэлийн газруудын нэг аж.
