Хөгжмийн ертөнцийн хамгийн сайхан хосууд болох Жэй Зи, Бионсе нар бие биедээ хамгийн үнэтэй бас тансаг бэлэг бэлэглэдгээрээ алдартай. 2009 онд Жэй зи гэргийдээ 24 мянган ам.долларын үнэтэй цагаан алтаар чимэглэсэн гар утас бэлэглэж байсан бол энэ удаад Валентины баяраар алт мөнгөөр урласан бугуйвч бэлэглэсэн ажээ. Энэхүү бугуйвч нь тусгай түлхүүртэй бөгөөд тэрхүү түлхүүрийг нь хайртай эрэгтэй нь хадгалаж байх ёстой гэнэ. Хосуудын үнэнч байдлыг илтгэсэн энэхүү бугуйвч нь 2500 ам.долларын үнэтэй гэнэ.
Эх сурвалж: new.mn
