Харанга хамтлагийн дуучин Х.Лхагвасүрэнгийн 2014.03.05,06-нд Монголын үндэсний циркд тоглогдох "Монгол ээж" амьд тоглолтынхоо талаархи дэлгэрэнгүй мэдээлэл өгөх хэвлэлийн бага хурал болон түүний 5 дахь цомог "Монгол ээж" цомгийн нээлт өнөөдөр болно.
“Монгол ээж” цомог нь дуучин Х.Лхагвасүрэнгийн тав дахь бие даасан цомог бөгөөд тэрбээр өмнө нь “Харангын Лхагва”, “Нарыг хайрла”, “Замбатив”, “Тэнгэрлэг андууд” зэрэг дөрвөн цомогтоо бие даасан уран бүтээлээсээ түүвэрлэн гаргасан юм. Худалдаанд гарсан цагаас хит дууны жагсаалт, шилдэг цомгийн борлуулалтыг тогтмол тэргүүлдэг авьяаслаг уран бүтээлчийн шинэ цомог ийнхүү бүх сайхан ээжүүдийг магтан дуулах нь ээ.
Хэвлэлийн хурал: 2014.02.19-нд буюу 10:30 цагаас "Blue sky tower"-ийн "Diamond" танхимд болно. Дэлгэрэнгүй мэдээллийг 91913172 утаснаас аваарай.
www.URLAG.mn