2018 онд Италийн Милан хотод үүсгэн байгуулагдсан залуу дизайнерын “Tuvza” брэнд 2020 оны долдугаар сард анх эх орондоо хүүхдийн хувцсаар бүтээгдэхүүнээ гаргаж байв. Түүнээс хойш нийт мэргэжлийн дизайнеруудын баг бүрэлдэхүүнтэй болон өргөжиж, загварын болон гоёлын, мөн үндэсний хэв маягтай, орчин үеийн загвартай эрэгтэй, эмэгтэй хувцсуудыг урлаж буй. Бүтээгдэхүүнүүдээ өвөрмөц шинж чанартай материалаар, бүтээлээ төрөлд баригдахгүй зохион бүтээж, шилдэг технологиор харилцагчдын сэтгэл ханамжийг өндөрт өргөж, зах зээлд чанартай бүтээгдэхүүн нийлүүлэх зорилго тавьжээ.
Түүнчлэн “Tuvza” брэнд брэнд нь бэлэн хувцас санал болгохоос гадна захиалгаар урлах, имиж бүрдүүлэх, мэргэжлийн зөвлөгөө өгөх зэрэг бусад үйлчилгээгээр үйлчилдэг байна.
“Tuvza” брэнд загварын анхны шоу энэ дөрөвдүгээр сарын 26-нд 19.00 цагаас “Зайсан хилл” цогцолборт болно. Милан, Парис, Лондон зэрэг дэлхийн томоохон хотуудын нэр хүндтэй загварын тайзнаа өөрийн бүтээлүүдээ амжилттай танилцуулж байсан дизайнер эл шоугаараа шинийг эрэлхийлэгч, урлаг сонирхогч хэн бүхэнд тансаг хэв маяг, уран сэтгэмж, загварыг бүрэн утгаар нь мэдрүүлэх аж.
