Сингапурт болсон Азийн хүүхдийн дууны уралдаанд монгол охин тэргүүн байрыг эзэлжээ. Эх орноо төлөөлөн оролцсон Ө.Насанжаргал 120 орны хүүхэдтэй өрсөлдсөн бөгөөд эцсийн шатны шалгаруулалтад "Булигаар хүрэн цүнх"-ийг дуулснаар нэгдүгээр байранд орсон гэнэ.
Энэ жил 12 настай Ө.Насанжаргал тавдугаар ангийн сурагч, Хүүхдийн ордны дууны дугуйланд суралцдаг байна. Тэмцээний шүүгчдээр Орос, Хятад болон Сингапурын шүүгчид ажилласан бөгөөд шүүгчид Ө.Насанжаргалын хоолойн чадлыг шагшин магтаж байсан аж.
