2022 онд алдарт кино найруулагч Тим Бертон “Netflix” платформтой хамтран “The Addams Family” киноны спин-офф “Wednesday” цувралыг бүтээсэн билээ. Тус цуврал нь цацагдсан эхний долоо хоногтоо 341.2 цагийн үзэлтийг цуглуулж, мөн тухайн жилд “Netflix” платформ дээр нээлтээ хийсэн бүтээлүүдийг үзэлтээрээ тэргүүлж, олон гайхалтай амжилтыг дагуулсан түүхтэй. Тэгвэл өчигдөр “Netflix”-ийн зүгээс “Wednesday” цувралын хоёрдугаар бүлгийн албан ёсны трейлерийг цацсан байна.
Шинэхэн бүлэг нийт хоёр хэсэгтэйгээр цацагдах ба эхний хэсэг нь ирэх наймдугаар сарын 6-нд, дараах хэсэг нь есдүгээр сарын 3-нд тус тус үзэгчдийн хүртээл болох юм. Цувралын үйл явдал өмнөх бүлгийн адилаар ер бусын чадвартай хүүхдүүд суралцдаг “Nevermore” ахлах сургуульд өрнөнө.
Мөн энэ удаагийн бүлэг дээр хайр дурлалын хэсэг бараг л байхгүй бөгөөд илүү аймшгийн өнгө аястай нууцлаг түүхийг өгүүлэх гэнэ.
Мөн Уэнсдэй Аддамсын дүрийг бүтээсэн жүжигчин Женна Ортега “Variety” сэтгүүлд өгсөн ярилцлагадаа “Бид Уэнсдэйтэй холбоотой романтик хэсгүүдийг тэр чигт нь хасахаар шийдсэн. Үүний оронд жинхэнэ аймшгийн бүтээл хийхээр төлөвлөж байгаа ба цувралын анги бүр яг л бүрэн хэмжээний кино шиг байх болно” хэмээжээ.
Түүнчлэн эхний бүлгийн жүжигчдээс гадна шинээр Жоанна Лумли болон Стив Бушеми нар хоёрдугаар бүлэгт дүр бүтээгээд байна. Тодруулбал, Британийн ахмад жүжигчин Жоанна Лумли гол дүрийн сурагч охин Уэнздэй Аддамсын эмээ Хестер Фрампын дүрд, Америкийн жүжигчин Стив Бушеми сургуулийн шинэ хичээлийн эрхлэгч Барри Дортын дүрд тоглосон байна.
